अइसन मौसम आइल बा मनवा अब फगुआइल बा।1

खिल रहल बा कली गुलाबी भौंरा खूब अगराइल बा।2

टहले के मिलल तब निमन नाहीं तब गभुआइल बा।3

कर रहल मनुहार गुनगुन कली अबहीं अलसाइल बा।4

पाठ पढवलख जब पुरवाई कलिया खुल मुसुकाइल बा।5

रंग-बिरंगी छटा फिजा में पलभर में छितराइल बा।6

चुनरी उड़ल जात हवा में बड़गद के हिया जुराइल बा।7

बहुते उपर उड़ते-उड़ते गमछा जाके अझुराइल बा।8

कह रहल सब लोग चहक के अबहिंए फगुआ आइल बा।9

"मौलिक आउर अप्रकाशित"