अहाँ मुस्कैत रही  हमरा देखैत रही

अहाँकेँ प्रेम गजल नव-नव सुनबैत रही

रुसल सजनी जँ रही प्रेमसँ बौसैत रही

सगर गुणगान अहाँक हम गाबैत रही

मधुरगर बोल अहाँ सदिखन बाजैत रही

अहाँकेँ सुनि क सिनेहे हम ताकैत रही

अहाँ  ढारैत रही डुबि हम पीबैत रही

सुनरकी  संग हिया रसमे तीतैत रही

अहाँ जीतैत रही ‘मनु’ हम हारैत रही

पिया मनुहारसँ ई जीवन जीबैत रही

(मात्राक्रम : 1222-112-2222-112 सभ पाँतिमे।दोसर शेरक, दोसर पाँतीमे “अहाँक” “क”केँ दिर्घ मानक छूट लेल गेल अछि।)